«Пресинема» күргәзмәсендә март аена программа

• «Тылсымлы анимация» иҗади дәрес 6+
  5, 6, 12, 13, 26, 27 март 12:00 сәгать
  
  Сез тылсымлы анимация дөньясына эләгәчәксез һәм беренче мультфильмнарның ничек барлыкка килүен, ХХ гасырда анимацион җитештерүнең нинди үсеш алуын белерсез. Казанда беренче тапкыр  анимацияне уйлап табучы Эмиль Рейно барлыкка китергән Праксиноскоп-театр һәм атаклы кинога нигез салучыларның бертуган Люмьер Кинор аппараты күрсәтеләчәк.
  
  Күргәзмәнең интерактив өлешендә сез оптик уенчыкларны тотып карый аласыз. Иҗади дәрестә, уйлап табучыларны төрле анимацион приборлар булдыруга этәргән уенчык – тауматроп ясаячаксыз (программа 5 кешедән торган төркем өчен үткәрелә).
  
  Бәясе: 250 сум

• «Йомшак акварель» иҗади дәрес  6+
  7, 8 март 12:00 сәгать
  
  Сез пумала, буяу һәм су кулланмыйча, төсле сарык йонын катлап салу алымы белән йомшак һәм бик үзенчәлекле картина ясый аласыз. Картинаның сюжетлары төрле булырга мөмкин: пейзажлар, мультфильм геройлары, чәчәкләр, хайваннар һәм башка бик күп төрләр. Әзер эш пыяла астына кысалар белән беркетелә.
  
  Бәясе: 300 сум

• «Пресинема» күргәзмәсе буенча экскурсия  12+
  5, 6, 7, 8, 12, 13, 19, 20, 26, 27 март 16:00 сәгать
  
  Экскурсиядә анимация тарихы белән танышырсыз, XIX-XX гасырлардагы беренче анимацион җиһазларын күрерсез һәм махсус җайланмаларда кыска анимация кисәкләрен карый алачаксыз. Интерактив өлештә һәркем борынгы уенчыкларның күчермәләрен тотып карый ала һәм бер гасыр элек иҗат ителгән иллюзияләр һәм мультфильмнарны мөстәкыйль рәвештә кабатлап карап була (экскурсия 5 кешедән торган төркемнәр өчен үткәрелә).
  
  Бәясе: 150 сум

• Граттаж техникасында иҗади дәрес 6+
  19, 20 март 12:00 сәгать
  
  Балавыз графикасы яки граттаж сәнгатьнең бер генә техникасына да охшамаган. Бу катыргыны үткен корал яки каләм белән тырнап үзенчәлекле ысул ярдәмендэ башкарылган рәсем. Һәркемнең үзе уникаль сурәте ясый ала, ә мондый рәсем ясау хәтта иң кечкенә һәм тәҗрибәләре булмаган рәссамнар өчен дә туры килә. Иҗади дәрес үз-үзеңне күрсәтү өчен менә дигән мөмкинлек булачак һәм иҗатка кызыксыну уятачак.
  
  Бәясе: 250 сум

Программаларга һәм экскурсияләргә алдан язылу өчен телефон номерлары:
+7 (843) 567-80-67; +7 (843) 567-80-68.