23 февральдә 13:00 сәгатьтә «Казан Кремле» музей-тыюлыгында Казан «Кремленең хәрби тарихы» дигән яңа экскурсия узачак

Ватанны саклаучылар көнендә Казан Кремле кунакларының Казан ныгытмасының хәрби тарихы һәм хәрби сәнгать үсеше белән танышу мөмкинлек барлыкка киләчәк.

23 февральдә 13:00 сәгатьтә «Казан Кремле» музей-тыюлыгында «Казан Кремленең хәрби тарихы» дигән яңа экскурсия узачак. XVI гасырдан XX гасырга кадәр акташлы ныгытма авыр һөҗүмнәр кичерә, күп кенә хәрби җиңүләр һәм җиңелүләрнең шаһиты була. Бөек Ватан сугышы елларында Казан шәһәре илнең мөһим тылына әверелә. Казан Кремлендә бу чорда күп санлы оешмалар, тулай тораклар һәм балалар бакчалары упнаштырыла.

Экскурсия кысаларында тамашачылар Казан Кремле биналарында сугыш елларында нинди учреждениеләр урнашканлыгын, эвакуацияләнгән эшчеләр нинди шартларда яшәгәнлеген һәм Казан ныгытмасының архитектура ансамблендә дәхшәтле көннәр нинди эз калдырганын белә ала.

Хәрби тарих гаскәри эш һәм корал технологияләре үсеше белән тыгыз бәйләнгән. Элек Казан Кремле җирлегендә үзебезнең корал заводы – Туп утары урнашкан була. Аның базасында Казан сугыш кораллары һәм хәрби әйберләр складына нигез салына. Ул Россия империясенең дүрт арсеналының берсе. Хәзер биредә Туп утары музее. Сез әлеге экскурсия кысаларында музейда булып артиллерия кораллары җитештерү турында тулы мәгълүмат  белә һәм тупларның кайда һәм ничек коелганы белән таныша аласыз.

Экскурсиянең озынлыгы-1,5 сәгать. Төркемнең минималь составы-10 кеше. Билетларны Казан Кремленең беренче подъездында урнашкан Визит-үзәгендә сатып алырга мөмкин.

Экскурсиянең озынлыгы – 1,5 сәгать. Төркемнең зурлыгы – 10 кеше. Билетларны Казан Кремленең Гавами бинасының беренче подъездында урнашкан Кабул итү үзәгендә сатып алырга мөмкин.