15.06.2023
Гавами бинасы
2023 елның 22 июнендә 16:30 сәгатьтә «Казан Кремле» музей-тыюлыгының Гавами урыннары күргәзмә залларында беренче арт-медиация – «Бөек дала хәзинәләре» экспозициясе белән танышуның интерактив форматы узачак.
Соңгы вакытта медиация форматы популярлаша бара, чөнки монда, экскурсияләрдән аермалы буларак, һәр катнашучы күргәзмә турында мәгълүмат кына алмый, ә шулай ук үз тәэсирләре һәм интерпретацияләре белән уртаклаша, күргәннәре турында фикер алыша һәм, бәлки, башка карашларны ишетә һәм кабул итә ала. Бу эштә музейның медиатор-хезмәткәре ярдәм итә, ул күргәзмә һәм тамашачы арасында арадашчы вазыйфасын башкара.
«Бөек дала хәзинәләре» күргәзмәсе күчмә кабиләләренең борынгы цивилизациясе шедеврларының чын хәзинәсе булып тора. Биредә бронза гасырыннан алып урта гасыр башына кадәрге чор экспонатлары тәкъдим ителә: алтын бизәнү әйберләре, кораллар, кием-салым, савыт-саба һәм башкалар.
«Казан Кремле» музей-тыюлыгының Гавами урыннары күргәзмә заллары җитәкчесе Ксения Яровинская билгеләп үткәнчә: «Без диалог вакытында сакларның кем икәнлеген аңларга тырышырбыз, риваятьләр тыңларбыз һәм аларның борынгы заманның чын вакыйгаларына кагылышлымы-юкмы икәнен аңларбыз; «җәнлек-җанвар сынында» башкарылган алтын шедеврлар белән хозурланырбыз һәм ни өчен зәркәнчеләр нәкъ менә шушы хайваннарның кулланылуын фаразларга тырышырбыз, шулай ук ни өчен курганнарда кешеләр белән бергә күп атлар күмелгәнен белербез».
Кайчан: 2023 елның 22 июнендә 16:30 сәгатьтә
Кайда: Казан Кремленең Гавами урыннары, 1 подъезд
Билетны сылтама буенча үтеп алырга мөмкин
Белешмә
Гадәти экскурсиядән аермалы буларак, белгеч кунакларны алдан әзерләнгән маршрут буенча алып бармый, экскурсиянең эчтәлеге төгәл язылган планнан тайпылып, тамашачылар белән аралашуга бәйле рәвештә аны үзгәртә ала. Экскурсовод тарихи фактлар һәм үз белемнәренә таянып лектор буларак чыгыш ясый. Медиатор исә, тыңлаучыларның фантазиясенә, хисләренә һәм хәтеренә мөрәҗәгать итеп, сорау бирә. Экскурсовод тамашачыга экспонатның кыйммәтен аңлата. Медиатор басымны экспонаттан тамашачыга күчерә, шулай итеп аңа бу эшнең ни өчен кызыксыну уятуын үзе хәл итәргә тәкъдим итә.
«Үзәк стадион» тукталышы
6, 15, 29, 35, 37, 47, 74, 75 автобуслар;
2 троллейбус «Кремль»
метростанциясе «Казан Кирмәне» керүчеләр өчен тәүлек буе ачык.
Спас манарасы аша тәүлек дәвамында, Тайницкая манарасы аша 06:00-20:00 сәгатьтә музей-тыюлык җирлегенә кереп була.
Автотранспортны музей-тыюлык янындагы түләүле муниципаль парковкага куярга була Шимбә, якшәмбе һәм бәйрәм көннәрендә - парковка өчен түләү алынмый.
Сайт https://parkingkzn.ru/ru/
Казан Кирмәне җирлегендә сувенир һәм кулдан эшләнгән әйберләр белән сәүдә итүче кибетләр эшли
Аудиогид – Казан Кирмәне белән танышу өчен уңайлы чара. Аудиогидны вакытлыча алып тору бәясе: 300 сум (аудиогид, наушниклар, карта)
Аудиогидны «Казан Кирмәне» музей-тыюлыгының Спас манарасында урнашкан кассадан алып була Кассаның эш сәгатьләре: 08:00-20:00 Аудиогидны алу өчен залогка документ (юл йөрү яки пенсия таныклыгы), яки 2000 сум күләмендә акча калдыру мәҗбүри.
Казан Кирмәне җирлегендә көн саен 08:00-20:00 вакыт аралыгында «WI-FI CAFE» эшли
