XII Международной научно-практической конференции «Туристлык- рекреация өлкәсен үстерү потенциалы буларак тарихи-мәдәни мирас» XII Халыкара фәнни-гамәли конференциясендә катнашырга чакырабыз.
Конференция Халыкара һәйкәлләр һәм тарихи урыннар көне уңаеннан тарихи-мәдәни мирасны саклау, популярлаштыру һәм тәкъдир итү мәсьәләләренә багышлана. Ул ике мәйданда узачак: «Казан Кремле» музей-тыюлыгы һәм Казан (Идел буе) федераль университеты.
КОНФЕРЕНЦИЯНЕҢ ТЕМАЛАРЫ:
- Туризм өлкәсендә матди мәдәни мирасның урыны һәм потенциалы
- Матди булмаган этномәдәни мирасны тәкъдир итү проблемалары
- Мәдәни мирасны саклау өлкәсендә цифрлы технологияләр
- Мәдәни мирас объектларын пропагандалау: мәдәни брендинг һәм идарә итү
- Музей чараларында тарихи-мәдәни мирасны саклау һәм актуальләштерү
Конференция кысаларында ике түгәрәк өстәл узачак:
- Мәдәни мирасның якынлыгы: проблемалар һәм чишү юллары (түгәрәк өстәлдә сүз мәдәни мирас объектларының физик мөмкинлекләре чикле кешеләргә якынлыгы хакында барачак)
- Тарихи-мәдәни мирасны саклауда яшьләрнең роле (студентлар, магистрантлар һәм аспирантлар катнашында)
Түгәрәк өстәлләрнең эшендә катнашырга киң даирә тикшерүчеләрне чакырабыз: югары уку йортлары укытучылары һәм фәнни хезмәткәрләр, музей хезмәткәрләре, тарих, сәнгать белеме, культурология, регион белеме һәм туризм өлкәсендә тикшерүчеләр, шулай ук мәдәни мирасны саклау һәм мәдәни туризм үсешенә битараф булмаган аспирантлар, магистрантлар һәм студентлар.
Конференция нәтиҗәләре буенча РИНЦ системасына кертеп рецензияләнә торган докладлар җыентыгы әзерләнәчәк.
КОНФЕРЕНЦИЯДӘ КАТНАШУ ШАРТЛАРЫ:
- Катнашу: шәхси.
- Конференциядә катнашу мәкаләне бастыруның мәҗбүри шарты булып тора.
- Катнашу өчен гаризаларны 2023 елның 20 мартына кадәр nauka.kreml@mail.ru e-mail буенча җибәрергә. Җыентыкта бастыру өчен мәкаләләр 2023 елның 1 апреленә кадәр кабул ителә. Гариза кабул ителгәннән соң рәсмиләштерү таләпләре җибәрелә.
- Оештыру комитетының конференция темасына туры килми торган гаризаларны кире кагу хокукы бар.
- Катнашучының үтенече буенча оештыру комитеты, уку яки эш урынына тәкъдим итү өчен, конференциягә рәсми чакыру җибәрә ала.
- Конференциядә чит шәһәрләрдән килгән катнашучылар юл һәм яшәү чыгымнарын үз өстенә ала.
Гаризаларыгызны көтеп калабыз!
Барлык сораулар буенча фәнни-методик эш бүлегенә мөрәҗәгать итә аласыз, тел. +7 (843) 567-80-29, e-mail: nauka.kreml@mail.ru
