2023 елның 1 февралендә Гавами бинасында «Казан гасырлар манзарасында» ачыла

Гавами бинасында урнашкан яңа күргәзмә залларында Казан шәһәре музее комплексы тупланмасыннан иң кызыклы предметлар тәкъдим ителәчәк, алар Казанның тарихы һәм мәдәнияте турында сөйләячәк.

Чакма таш, чукмар, билбау каптырмасы, Казан ханлыгы чорына караган кистән, Туктамыш хан чорына караган Алтын Урданың көмеш тәңкәләре һәм башка уникаль археология предметлары аеруча игътибарга лаек.

Бай этнографик материал һәм документлар күп гасырлык шәһәрдәге мәдәни тормышының этномәдәни һәм дини чуарлыгын күрсәтергә мөмкинлек бирә.

Казан тарихының легендар сәхифәсен XVII гасырның билгесез рәссамы иҗат иткән «Сөембикә ханбикә улы Үтәмеш-Гәрәй белән» парсунасы һәм Кабан күле төбендә табылган XV гасыр казаны кебек раритетлар тасвирлый.

Россия мәдәнияте һәм сәнгате әһелләренең язмышлары һәм иҗаты шәһәр белән бәйле. Күргәзмәдә опера җырчысы Федор Иванович Шаляпин һәм дин эшлеклесе Шиһабетдин Мәрҗаниның мемориаль предметлары тәкъдим ителә. Кулъязма китаплар һәм Коръәннәр татарларда алга киткән китап мәдәниятен сурәтли.

Татарстан Республикасының хәзерге рәссамнарының – Бакый Урманче, Равил Заһидуллин, Нияз Хаҗиәхмәтов, Фиринат Халиковның сынлы сәнгать әсәрләре Казанның вакыйгаларга бай тарихын күрсәтә. И. Фазылҗанов зәркән әсәрләрендә һәм Л. Фәсхетдинова алтын белән чигү эшендә татар халкының декоратив-гамәли сәнгатенең гасырлык традицияләрен дәвам итеп, югары осталыкларын чагылдыра. Бу күргәзмә – Казан шәһәренең музей комплексы коллекциясе аша башкалабызны һәрьяктан тасвирлап бирә. Татарстан Республикасы башкаласының гасырлар аша алып килгән кыйммәтләре һәм иҗади мөмкинчелекләре белән тамашачыларны таныштыра.