17 декабрьдә «Казан Кремле» музей-тыюлыгының «Эрмитаж-Казан» үзәгенә килүчеләр өчен Мәскәү шәһәренең «Собрание» музее коллекциясеннән «Музыкаль тылсым. XVIII-XX гасырның механик курчаклары һәм сирәк очрый торган антиквар» күргәзмәсе ачыла

Күргәзмәдә тәкъдим ителгән экспонатлар механик музыка тарихында төп уйлап табышларны һәм тавыш яздыру эшенең үсешен күрсәтә.

Күргәзмәдә тәкъдим ителгән экспонатлар механик музыка тарихында төп уйлап табышларны һәм тавыш яздыру эшенең үсешен күрсәтә.

17 декабрьдә «Казан Кремле» музей-тыюлыгының «Эрмитаж-Казан» үзәгенә килүчеләр өчен, Европаның иң зур шәхси музее фондларының гаҗәеп һәм сирәк экспонатларына багышланган, меценат Давид Якобашвили һәм аның улы Михаил тарафыннан төзелгән, яңа ел күргәзмәсе ачыла.

«Собрание» музее беренче тапкыр Мәскәүдән читтә уникаль экспонатлар коллекциясен күрсәтә. Татарстан Республикасы халкы һәм кунакларының күп еллар дәвамында җыелган, XVIII-XX гасырга караган антиквар экспонатлар, автоматоннар, үз уйнашлы музыкаль уен кораллары, механик курчаклар белән танышу мөмкинлеге бар. Төзелешендәге, формасындагы, бизәлешендәге һәм кулланыштагы аермаларына карамастан, аларның барысын да оригиналь музыкаль механизмнары булу берләштерә. «Собрание» музееның Сәнгать фондында 20 меңнән артык экспонат бар. Алар түбәндәге коллекцияләргә берләштерелгән: механик музыка кораллары һәм предметлары, декоратив-гамәли һәм сәгать сәнгате, сынлы сәнгать, басма продукция һәм музыка мәгълүматы йөртүчеләр.

Казанга берьюлы берничә коллекция экспонатлары киләчәк. Алар тамашачыга үзенчәлекле музыка уен кораллары һәм автоматлар дөньясын ачачак.

«Безнең өчен бу, һичшиксез, мөһим проект. Беренче тапкыр коллекция предметларын Казанда тәкъдим итәбез», – дип сөйли «Собрание» музеена нигез салучы Давид Якобашвили. – «Татарстан башкаласы халкы һәм кунаклары өчен бу күргәзмә чын Яңа ел бүләге, музыка һәм механика дөньясына мавыктыргыч сәяхәт булыр дип өметләнәм».

Күргәзмәдә тәкъдим ителгән экспонатлар механик музыка тарихында төп уйлап табышларны һәм тавыш яздыру эшенең үсешен күрсәтә. Механик музыка тарихы борынгы заманнарга ук барып тоташа. Антик вакытларда ук барлыкка килгән бу үзенчәлекле техник алгарыш өлкәсе ике мең елдан артык үсеп, үз эченә механика һәм табигать фәннәренең алдынгы казанышларын берләштерә. Гасырлар дәвамында бу өлкә танылган галимнәр, инженерлар, төгәл механика һәм сәгать эше осталарының игътибарын үзенә җәлеп итә, ә музыкаль механизмнар белән көнкүреш һәм интерьер әйберләре җиһазландырылган.

Бүген безгә үзлектән уйнаучы бик күп төрле музыка кораллары билгеле. Алар гади орган һәм шарманкадан башлап, камилләштерелегән автоматик рояльләр, пианоллар, фисгармонияләр, катлаулы оркестрионнар, орган һәм унакаль курчак-автоматоннарга кадәр барып җитә. Бу экспонатларның гаҗәеп һәм серле үзлекләре – механизмнарны камилләштерү, кеше катнашыннан башка эшли алулары, бизәкләре һәм яңгырашлары белән – профессиональ белгечләргә генә түгел, ә күргәзмәгә килгән төрле яшьтәге тамашачы өчен дә кызыклы булачак.

Күргәзмәгә килгән һәр кешегә аудиогид биреләчәк, аның ярдәмендә коллекция белән танышып һәм механик курчаклар, антиквар экспонатларның авазларын һәм видеоларын карап булачак. Күргәзмә, «Собрание» музее фондларындагы сирәк һәм уникаль язмалардан төзелгән, мәгълүмати мультимедиа белән тулыландырылган.

Элемтә өчен телефон номерлары: +7 (843) 567-80-34; +7 (843) 567-80-32, hermitage-kazan@mail.ru

Адрес: «Казан Кремле» музей-тыюлыгы, «Эрмитаж-Казан» Үзәге, 3 кат.

Эш вакыты: сишәмбе-пәнҗешәмбе, шимбә-якшәмбе 10:00-18:00, җомга 11: 00-20:00.