23 сентябрьдә «Манеж» күргәзмәләр залында «Пресинема» күргәзмәсе ачыла

Күргәзмә авторы – Максим Васильев (Казан), Россиядә иң зур анимацион оптик уенчыкларның коллекция хуҗасы. Коллекция сигез ел дәвамында җыелган, күп кенә экспонатлар АКШ һәм Европадан кайтарылган.

«Манеж» күргәзмәләр залында «Пресинема» күргәзмәсе ачыла. Монда килүчеләр кино һәм мультипликация чорының нидән башлануын, стереоскоп һәм күләгә театры, тауматроп һәм зоотропның нәрсә икәнлеген беләчәк.

Экспозициядә XIX-XX гасырлардагы, кино һәм анимация сәнгате барлыкка килүгә этәргеч биргән, йөздән артык уникаль приборлар тәкъдим ителә. Бу – анимация кисәкләрен кинематограф барлыкка килүгә кадәр карарга мөмкинлек бирүче җайланмалар, проект җиһазлары, 3D-сурәтләрне күрсәтү өчен стереоскоплар, оптик алдауга нигезләнгән уенчыклар һәм башка бик күп нәрсәләр. Казанда әле беркайчан да, анимацияне уйлап табучы Эмиль Рейно барлыкка китергән, Праксиноскоп-театр һәм, кинога нигез салучы атаклы бертуган Люмьер җайланмасы, Кинор күрсәтелмәгән.

Тәкъдим ителгән уенчыкларның кайберләре бөтен Россия өчен уникаль, алар арасында Зограскоп – панорамаларын карау өчен аппарат, киноленталы Филоскоп белән блокнот, Фенакистископ анимацион дисклар бар.

Күргәзмәнең интерактив өлешен 20 дән артык прибор тәшкил итә – борынгы уенчыкларның зурайтылган күчермәләре, аларны хәрәкәт иттерергә, әйләндерергә һәм гасырдан артык элек иҗат иткән иллюзияләр һәм мультфильмнарны мөстәкыйль рәвештә яңадан торгызырга мөмкин.

Күргәзмә авторы – Максим Васильев (Казан), Россиядә иң зур анимацион оптик уенчыкларның коллекция хуҗасы. Коллекция сигез ел дәвамында җыелган, күп кенә экспонатлар АКШ һәм Европадан кайтарылган.

Экспозициягә керү ирекле. Проект Президент грантлары Фонды ярдәме белән үткәрелә. Күргәзмәдә махсус экскурсияләр, мастер-класслар һәм анимация тарихы буенча лекцияләр үткәреләчәк.

Белешмәләр өчен телефон:
+7 (843) 567-80-67;
+7 (843) 567-80-68

E-mail:
kremlin-manege@yandex.ru