30 августта Казан Кремлендә «Һөнәр – Ремесло» фестивале узачак

Республика һәм шәһәр көнендә «Казан Кремле» музей-тыюлыгында «Һөнәр-Ремесло» дип аталучы һөнәрләр фестивале узачак. Программада – бәйрәм концерты, һөнәрчелек остаханәләре, әдәби ишегалды һ.б. Фестиваль Казан Кремлендә 2022 елның 30 августында 11:00 сәгатьтән 16:00 сәгатькә кадәр була.

ФЕСТИВАЛЬ ПРОГРАММАСЫ

• Библиобус, китап күргәзмәләре һәм әдәби викториналары булган әдәби ишегалды.
  
• «ШАЯН ТВ» телеканалы чатыры. Бирегә килүчеләр «Татармультфильм» һәм «Татаркино» студияләре төшергән мультфильмнар һәм фильмнар карый алачак. Шулай ук бәйрәм кунаклары өчен рәсем ясау зонасы һәм мастер-класслар, татар биюе буенча флэшмоб оештырылачак.
  
• Һөнәрчелек остаханәләре. Кунаклар мастер-классларда чүлмәк һәм кондитер һөнәрчелеге, дизайн, сынлы сәнгать серләренә төшенә, шулай ук кадаклар ярдәмендә ясала торган «Мин яратам сине, Татарстан!» дип аталучы зур рәсем флешмобында катнаша ала. 
  
• Һөнәрләр шәһәре. Туп утары мәйданында кунаклар төрле һөнәр серләрен белә алачак – архитектордан алып флористка кадәр, шулай ук Татарстан Республикасы халыкларының традицион уеннарында катнаша ала.
  
• Кол Шәриф мәчете янында 14:00 сәгатьтән 16:00 сәгатькә кадәр татар эстрадасының танылган йолдызы Фирдүс Тямаев һәм «Уйнагыз, гармуннар!» республика халык иҗаты фестивалендә катнашучылар чыгыш ясаячак. Ә 11:00 сәгатьтән 14:00 сәгатькә кадәр мәйданда Казанның балалар һәм яшүсмерләр иҗат коллективлары чыгыш ясаячак.