«Эрмитаж-Казан» үзәге «Мода һәм сәнгать» темасына лекцияләр циклын башлап җибәрә

Сентябрьдә «Эрмитаж-Казан» үзәге лекториенда «Мода һәм сәнгать» темасына лекцияләр циклы узачак. Тыңлаучыларны ике лекция көтә.

«БАРОККО СТИЛЕ: ӘҺӘМИЯТЛЕ VS ЗАМАНЧА»

• 16 сентябрь 18:00 сәгатьтә

Барокко – мода һәм сәнгать тарихында иң якты, купшы һәм мәһабәт стиль. Мода беркайчан да шулкадәр катлаулы һәм шул ук вакытта гүзәл, ә ир-ат костюмы хатын-кызларныкы кебек нәзакәтле һәм бай булмаган.

Программа барышында «Фламанд сәнгатенең алтын гасыры» күргәзмәсе әсәрләре белән танышырбыз. Барокко стиленең зиннәтлелеге һәм купшылыгы XX-XXI гасырның танылган дизайнерлары коллекцияләрендә ничек чагылуы, Фламанд сәнгате күргәзмәсенең стильле кадрлары үрнәгендә XVII гасырның барокко тенденцияләрен үзебезнең гардеробта ничек кулланырга кирәклеге турында сөйләшербез.

Программада катнашалар:

• Сидоров Виктор – сәнгать белгече, КФУ укытучысы, фәннәр кандидаты
• Мифтахова Алия – lifestyle&fashion Казан блогеры
• Мөхәммәдшина Алинә – «Эрмитаж-Казан» үзәгенең белем бирү программалары һәм лекторий кураторы

Программаның бәясе:
Өлкәннәр – 600 сум
Ташламалы (студентлар, пенсионерлар) – 500 сум

* Программа бәясенә «Фламанд сәнгатенең алтын гасыры» күргәзмәсе буенча экскурсия һәм лекциядә катнашу керә.

«ТАНЫЛГАН ЗАМАНЧА РӘССАМНАР ҺӘМ МОДА»

• 30 сентябрь 18:00 сәгатьтә

Заманча модельерлар һәм дизайнерлар үзләрененең уй-фикерләрен, дөньяга карашларын кием коллекцияләре аша чагылдыра, мода аша җәмгыятьтәге кискен проблемаларын актуальләштерәләр, көтелмәгән төсләр ярдәмендә тамашачыны гаҗәпкә калдыралар. Аларның иҗаты заманча рәссамнардан ким түгел.

Модельерлар сәнгать әсәрләренә күп тапкырлар мөрәҗәгать иткән. Пит Мондрианның неопластицизмы һәм төсләр тупланмасы югары мода йортлары, шулай ук масс-маркета өчен кием-салым дизайнерлары тарафыннан меңләгән тапкыр кулланыла.

Дизайнерларның яңа коллекцияләре еш кына заманча рәссамнарның әсәрләре кебек үк тамашачыда аңлашылмаучанлык уята. Заманча мода коллекцияләренә дә сыналган тамашачылар сәнгатьнең яңа әсәренә караган кебек игътибарлырак булырга тиеш.

ХХ гасыр сәнгать тарихының өр-яңа сәхифәсен ачты. Безгә дөнья подиумнарына, модалы кием коллекцияләренә карап, дизайнерларның хәзерге заман рәссамнарының иҗаты белән аваздаш урыннарын табарга омтылып, гаҗәпләнергә генә кала…

Әгәр сезгә заманча сәнгать һәм мода кызыклы икән – әлеге лекция сезгә ошаячак!

Лектор:

• Сидоров Виктор – сәнгать белгече, КФУ укытучысы, фәннәр кандидаты

Лекциянең бәясе:
Өлкәннәр – 600 сум
Ташламалы (студентлар, пенсионерлар) – 500 сум

2 лекциягә абонемент алырга мөмкин.

Абонемент бәясе:
Өлкәннәр – 1000 сум
Ташламалы (студентлар, пенсионерлар) – 900 сум.

Лекциягә алдан язылу кирәк:
+7 (843) 567-80-32;
+7 (843) 567-80-34 
hermitage-kazan@mail.ru

Урыннар саны чикләнгән!
Адрес: «Казан Кремле» музей-тыюлыгы, «Эрмитаж-Казан» үзәге (3 кат)