11.10.2023
Гавами бинасы
2023 елның 11 октябрендә Гавами урыннары күргәзмә залларында «Саумы, Казан!» / «Здравствуй, Казань!» бәйгесендә катнашучыларның эшләре белән күргәзмә ачылды. Рәссамнарның картиналарында сурәтләнгән иң популяр объектлар Казан Кремле, Бауман урамы, гыйбадәтханәләр, мәчетләр һәм шәһәр парклары.
Тантанада Казан шәһәре Башкарма комитеты җитәкчесенең социаль мәсьәләләр буенча урынбасары Гүзәл Сәгыйтова, Татарстан Республикасы Дәүләт Советының Мәгариф, мәдәният, фән һәм милли мәсьәләләр комитеты рәисе урынбасары Людмила Рыбакова, Казанның Яшь тамашачы театры директоры Айгөл Горнышева, Казан дәүләт мәдәният институты ректоры Роза Әхмәдиева, Татарстан Республикасының атказанган сәнгать эшлеклесе Мәхмүт Ваһапов катнашты.
Чарада шулай ук бәйге җиңүчеләре игълан ителде. Жюри әгъзалары профессиональ рәссамнар, «Живопись» һәм «Графика» юнәлешләре буенча ике яшь категориясендә (18-35 яшь, 35 яшьтән) башкарылган иң яхшы эшләрне билгеләделәр. Тагын алты кеше махсус бүләкләргә ия булды.
«Саумы, Казан!» бәйгесенә 200дән артык эш килгән. Анда Татарстанда яшәүче 18 яшьтән өлкәнрәк рәссамнар катнашты. Бәйге Татарстан башкаласының заманча сәнгать образын булдыру һәм заманча авторларның иҗади потенциалын үстерүгә ярдәм итү максатыннан Казан Мэриясе тарафыннан оештырылды.
Бәйгедә катнашучыларның эшләре белән күргәзмә 29 октябрьгә кадәр дәвам итәчәк. Керү ирекле.
Эш режимы: дүшәмбе – ял көне, сишәмбе-пәнҗешәмбе, шимбә, якшәмбе – 10:00-18:00, җомга – 11:00-20:00.
Адрес: «Казан Кремле» музей-тыюлыгы, Гавами урыннар, 2 подъезд, 2 кат
«Үзәк стадион» тукталышы
6, 15, 29, 35, 37, 47, 74, 75 автобуслар;
2 троллейбус «Кремль»
метростанциясе «Казан Кирмәне» керүчеләр өчен тәүлек буе ачык.
Спас манарасы аша тәүлек дәвамында, Тайницкая манарасы аша 06:00-20:00 сәгатьтә музей-тыюлык җирлегенә кереп була.
Автотранспортны музей-тыюлык янындагы түләүле муниципаль парковкага куярга була Шимбә, якшәмбе һәм бәйрәм көннәрендә - парковка өчен түләү алынмый.
Сайт https://parkingkzn.ru/ru/
Казан Кирмәне җирлегендә сувенир һәм кулдан эшләнгән әйберләр белән сәүдә итүче кибетләр эшли
Аудиогид – Казан Кирмәне белән танышу өчен уңайлы чара. Аудиогидны вакытлыча алып тору бәясе: 300 сум (аудиогид, наушниклар, карта)
Аудиогидны «Казан Кирмәне» музей-тыюлыгының Спас манарасында урнашкан кассадан алып була Кассаның эш сәгатьләре: 08:00-20:00 Аудиогидны алу өчен залогка документ (юл йөрү яки пенсия таныклыгы), яки 2000 сум күләмендә акча калдыру мәҗбүри.
Казан Кирмәне җирлегендә көн саен 08:00-20:00 вакыт аралыгында «WI-FI CAFE» эшли
