«Эрмитаж-Казан» үзәгендә «Классика көннәре» фестивале нәтиҗәләре

2023 елның 28 маенда «Эрмитаж-Казан» үзәгендә Дәүләт Эрмитажы белән берлектә оештырылган «Классика көннәре» фестивалендә катнашучыларны бүләкләү тантанасы узды.

Быел «Классика көннәре» фестиваленең темасы Дәүләт Эрмитажы тупланмасыннан «Александр Македонский. Көнчыгышка юл» күргәзмәсе булды.

Фестиваль 3 өлешкә бүленгән:

• яшь иҗатчылар өчен балалар рәсемнәре бәйгесе;
• «Мин рәссам – мин шулай күрәм» бәйгесе кысаларында проектның инклюзив өлеше;
• онлайн форматта ораторлык осталыгы бәйгесе.

«Классика көннәре» фестивалендә 6 яшьтән 16 яшькә кадәрге 40 бала катнашты. Шуларның 26сы балалар рәсеме бәйгесендә, 10сы проектның инклюзив өлешендә, 4се ораторлык осталыгы буенча көч сынашты.

Барлык катнашучылар күргәзмәдә булды, Дәүләт Эрмитажы тупланмасындагы шедеврларны өйрәнде, Александр Македонский тарихы турында күп яңалыклар белде.

Балалар эшләре күргәзмәсендә 37 эш тәкъдим ителгән иде, шуларның 10ы проектның инклюзив өлеше кысаларында башкарылган.

Күргәзмәгә килүчеләр ошаган эш өчен тавыш биреп «Александр Македонский. Көнчыгышка юл» балалар рәсеме бәйгесендә җиңүчеләрне билгеләде.

Балалар рәсеме бәйгесендә Бородина Аксинья, Мухаева Амелия, Минаева Веста җиңүче булды.

Ораторлык сәнгате бәйгесендә җиңүче өчен тавыш бирү «Эрмитаж-Казан» үзәгенең социаль челтәрләрендә узды.

Ораторлык сәнгате бәйгесендә Алиасхабов Гайдар җиңде.

Бүләкләү тантанасы «Эрмитаж-Казан» үзәгендә фестивальнең партнерлары ярдәме белән оештырылды.

Мәгълүмати партнер: Балалар Казанда: балаларга Казанда кая барырга (Ксения Шарова).

Фестивальнең партнеры: офис һәм мәктәп өчен товарлар белән тәэмин итүче – «Капитан» компаниясе. Күп еллар дәвамында алар Россия, Азия һәм Европадагы ышанычлы җитештерүчеләрдән сатып алучыларны сыйфатлы продукция белән тәэмин итә.