11.08.2022
NUR халыкара медиаисәнгать фестивале Казанда икенче тапкыр – 9-11 сентябрьдә узачак. Быел ул Президент мәдәни инициативалар фонды ярдәме белән тормышка ашырыла.
Фестиваль бөтен Казан буенча уннан артык локацияне – Бауман урамының җир асты өлешеннән алып Казан Кремленә кадәр – колачлаячак. Фестиваль программасының бер өлеше – күргәзмәләр һәм инсталляцияләр күрсәтү. Аларны фестивальдә йөздән артык катнашучы ут, тавыш, компьютер технологияләре ярдәмендә тормышка ашырачак.
Анда Instinct ясалма интеллекты булган ут һәм тавышлы интерактив инсталляция тәкъдим ителәчәк. Аны яңа медиа, аудиовизуаль сәнгать, саунд-арт һәм art&science өлкәсе белән кызыксынучы Петербургның Tonoptik арт-проект командасы башкарды.
NUR («НУР») фестиваленең исеме рус теленә «Новая (яңа) Уникальная (уникаль) Реальность (чынбарлык)» дип кыскартылып, ә татар теленнән «луч» дип тәрҗемә ителә. Бу бөтен дөньядан медиарәссамнар, музыкантлар, хореографлар һәм цифрлы сәнгать өлкәсендәге белгечләрне берләштерүче масштаблы вакыйга.
2022 елда фестиваль картасында Казан буенча уннан артык локация эшләячәк, аларның кайберләре шәһәр халкына беренче тапкыр ачыла: Татарстан Республикасы Милли китапханәсе, Казан Кремленең Яшеренү (Тайницкая) манарасы, Бауман җир асты урамы, «Адонис» тегү фабрикасы, шәһәр магистраты, Александров заводы, Фешин исемендәге КХУ, Казан циркы, «УРАМ» экстрим-паркы, «Россия – минем тарихым» мультимедиа паркы.
«Үзәк стадион» тукталышы
6, 15, 29, 35, 37, 47, 74, 75 автобуслар;
2 троллейбус «Кремль»
метростанциясе «Казан Кирмәне» керүчеләр өчен тәүлек буе ачык.
Спас манарасы аша тәүлек дәвамында, Тайницкая манарасы аша 06:00-20:00 сәгатьтә музей-тыюлык җирлегенә кереп була.
Автотранспортны музей-тыюлык янындагы түләүле муниципаль парковкага куярга була Шимбә, якшәмбе һәм бәйрәм көннәрендә - парковка өчен түләү алынмый.
Сайт https://parkingkzn.ru/ru/
Казан Кирмәне җирлегендә сувенир һәм кулдан эшләнгән әйберләр белән сәүдә итүче кибетләр эшли
Аудиогид – Казан Кирмәне белән танышу өчен уңайлы чара. Аудиогидны вакытлыча алып тору бәясе: 300 сум (аудиогид, наушниклар, карта)
Аудиогидны «Казан Кирмәне» музей-тыюлыгының Спас манарасында урнашкан кассадан алып була Кассаның эш сәгатьләре: 08:00-20:00 Аудиогидны алу өчен залогка документ (юл йөрү яки пенсия таныклыгы), яки 2000 сум күләмендә акча калдыру мәҗбүри.
Казан Кирмәне җирлегендә көн саен 08:00-20:00 вакыт аралыгында «WI-FI CAFE» эшли
