Бөек Ватан сугышында Җиңүнең 77 еллыгына багышланган чаралар программасы

Бөек Ватан сугышында Җиңүнең 77 еллыгына багышланган чаралар программасы.

Җиңү көнен Казан Кремлендә каршылыйбыз!

1-10 май көннәрендә «Казан Кремле» музей-тыюлыгында Бөек Ватан сугышында Җиңүнең 77 еллыгына багышланган бәйрәм чаралары узачак.

5 майда 10:00 һәм 11:00 сәгатьтә Кол Шәриф мәчете каршындагы мәйданда, “Җиңү волонтерлары” Бөтенроссия иҗтимагый хәрәкәтенең Тамбов региональ бүлекчәсе Татарстан Республикасы Казан шәһәренең 5561 нче хәрби частенең дирижер майор В.М. Кравчук җитәкчелегендәге хәрби оркестры белән берлектә, «Җиңү вальсы» һәм «Без хәтерлибез» дип аталган ике флэшмоб уздыра.

9 май көнне 10:00 – 17:00 сәгатькә кадәр «Казан Кремле» музей-тыюлыгы җирлегендә «Җиңү юлы» квесты узачак.

Кол Шәриф мәчете янындагы мәйданда Бөек Ватан сугышы чоры коралларыннан күргәзмә ачылачак.

9 май көнне 11:00-17:00 сәгатьтә Казан Кремле җирлегендә тематик фотозоналар эшләячәк, шулай ук концерт чыгышлары булачак.

Туп утары мәйданында Кызыл армия сугышчыларының кирәк-яраклары күргәзмәсе ачыла.

9 май көнне 13:00 сәгатьтә «Казан Кремленең хәрби тарихы» дигән җәяүле экскурсия узачак.

Казан Кремле музейларында бәйрәм чаралары онлайн һәм офлайн форматта узачак.

Татар халкының һәм Татарстан Республикасының дәүләтчелеге тарихы музее

• 1-10 май – «Бабама хат» акциясе
• 9 май 11:00-17:00 сәгатьтә – «Җиңү символлары» иҗади дәрес

«Манеж» күргәзмәләр залы

• 1-7 май – Вконтакт социаль челтәрендә «Пресинема» күргәзмәсенә билетлар уйнатыла
• 7-9 май – Telegram һәм Вконтакт социаль челтәрендә «Совет анимациясе һәм Бөек Ватан сугышы елларында киноиндустрия» басмалары
• 9 май көнне 16: 00 – «Пресинема» күргәзмәсе буенча экскурсия

Туп утары музее

• 4 һәм 7 май – Вконтакт социаль челтәрендә «Җиңү коралы» видеороликлары
• 9 май 11:00-13:00 – Туп утары мәйданчыгында «Без тынычлык ясыйбыз» акциясе

Ислам мәдәнияте музее

• 7-9 май – Telegram һәм Вконтакт социаль челтәрендә фронтовик татар дин әһелләре  турында язмалар.
• 9 май көн дәвамында – «Ватанның данлы уллары»квесты.

22:00 сәгатьтә бәйрәм салютында очрашабыз!