«Унынчы Кирмән укулары» Бөтенроссия фәнни-гамәли конференциядә катнашу өчен гаризалар кабул итү башланды

2022 елның 20-21 октябрендә «Казан Кремле» музей-тыюлыгында «Унынчы Кирмән укулары» Бөтенроссия фәнни-гамәли конференция узачак.

2022 елда конференция унынчы тапкыр уздырыла һәм музейларның иң төп бурычларының берсе – килүчеләр белән эшләүгә багышлана. Бүген музей – динамик рәвештә үзгәрүче мәдәни институт, аның белән бергә бирегә килүче дә үзгәреш кичерә. Конференция кысаларында без килүчеләрнең төрле категорияләре белән эшләү алымнары һәм формалары турында сөйләшергә тәкъдим итәбез.

ЭШНЕҢ ТӨП ЮНӘЛЕШЛӘРЕ

• Мәктәпкәчә яшьтәге балалар өчен музей программалары
• Мәктәп аудиториясе белән эшләүнең инновацион формалары
• Музей һәм яшьләр
• Гаилә аудиториясе белән эшләүнең заманча алымнары
• Өлкән буын өчен музей программалары
• Музейда инклюзив программалар.

Конференция кысаларында музей практикумы, ягъни, «Казан Кремле» музей-тыюлыгының мәдәни-белем бирү программалары белән танышу каралган. Мәдәни программа кысаларында шәһәр, «Казан Кремле» музей-тыюлыгы һәм аның музейлары буенча экскурсияләр үткәрү каралган.

мКОНФЕРЕНЦИЯДӘ КАТНАШУ ШАРТЛАРЫ

Катнашу: шәхси килеп/онлайн.

Конференциядә катнашу мәкаләне бастыруның мәҗбүри шарты булып тора.

Катнашу өчен гаризалар 2022 елның 21 сентябренә кадәр nauka.kreml@mail.ru электрон адресы буенча җибәрергә кирәк. Җыентыкта бастыру өчен мәкаләләр 2022 елның 30 октябренә кадәр кабул ителә.

Конференция темасына туры килми торган гаризаларны оештыру комитеты кире кагарга хокуклы. Гаризалар оештыру комитеты тарафыннан каралгач, авторларга электрон почта аша шәхси хат-чакыру һәм конференция программасы проекты җибәреләчәк.

Конференциягә чит шәһәрләрдән килгән катнашучыларның юл һәм торак чыгымнары үз хисапларына гамәлгә ашырыла.

Элемтә ысуллары:
Фәнни-методик эш бүлеге, тел. +7 (843) 567-80-29,
E-mail: nauka.kreml@mail.ru