Казан Кремлендә Милли костюмнар парады узды

2023 елның 19 июлендә Казан Кремленең Гавами урыннары «Милли костюмнар парады» акциясенә йомгак ясалды һәм җиңүчеләрне бүләкләү тантанасы узды. Бәйгене Татарстан Республикасы Мәдәният министрлыгы һәм «Татмедиа» АҖ ярдәме белән «Миллиард.Татар» проекты, «Таткультресурсцентр»  оештыра.

Акция 2023 елның 15-18 июнендә «Тормыш стиле – мәдәни код» этно-fashion-фестивале кысаларында узды. Катнашучыларны биш номинация буенча бәялиләр: гаилә образы, милли костюмның иң яхшы реконструкциясе, заманча милли образ, шулай ук «Миллиард.Татар» һәм «ТН-Наследие» номинацияләре.

Парадта барлыгы ярты йөзгә якын кеше үз костюмнарын күрсәтте. Бәйгедә шулай ук Нью-Йорктан килгән татар гаиләсе катнашты.

Парад җиңүчеләре:

• «Гаилә образы»: Сәида Миңнебаева һәм Фәрит Кадыйров,

• «Милли костюмның иң яхшы реконструкциясе»: Дарья Маслова, Bepa Маслова һәм Наталья Маслова,

• «Хәзерге милли образ»: Гөлия Имамова,

• «Миллиард.Татар› номинациясе: Алсу Вафина,

• «ТН-Наследие» номинациясе: Нәзифә Рәшитова.

Шулай ук ТР Мәдәният министрлыгы ике образны «Тамашачылар мәхәббәте призы» номинациясендә бүләкләр белән билгеләп үтте:

• «Милли костюмлы ир-ат образы» – Айдар Сәйфетдинов,

• «Милли костюмда гаилә һәм балалар образлары» – Елена Вязанкина улы белән.

Исегезгә төшерәбез, «Милли костюмнар парадында» катнашу өчен фестиваль мәйданчыкларында заманча милли костюмда фотога төшәргә, ә фотоны ВКонтактеда #модныйпарадмт хештегы белән урнаштырырга һәм «Миллиард.Татар» акциясен оештыручы проектның аккаунтын билгеләп үтәргә кирәк иде».