«Манеж» күргәзмәләр залында «Кенәз Йосыповлар морза нәселе. Көнчыгыш сюитасы»

26 июль көнне 16:00 сәгатьтә «Манеж» күргәзмәләр залында «Архангельское» музей-утары тупланмасының «Кенәз Йосыповлар морза нәселе. Көнчыгыш сюитасы» күргәзмәсе ачыла.

Кенәз Йосыповларның нәсел тарихы – Россия кенәзләре исәбенә керүче титуллы санаулы төрек кавеменең юлы. Танылган династиянең һәр буыны Россия тарихында якты эз калдыра. Безнең көннәрдә Йосыповлар белән бәйле тарихи һәйкәлләр һәм коллекцияләр илебез мәдәни мирасының алтын фонды булып санала. «Кенәз Йосыповлар морза нәселе. Көнчыгыш сюитасы» күргәзмәсендә 400 дән артык экспонат тәкъдим ителгән һәм аларның күбесе беренче тапкыр күрсәтелә.

Күргәзмә проекты шәҗәрәсендә Х гасырның хәлифе сәхәбәләренә барып тоташкан атаклы кенәз нәселенең Россия тарихында уйнаган ролен, аның илнең икътисади һәм мәдәни үсешенә керткән өлешен күрсәтә.

Тулы бер бүлек морза гаиләсенең атаклы вәкиле, зур түрә, дипломат, эшмәкәр һәм, иң мөһиме, коллекционер һәм Европа дәрәҗәсендәге мәдәният эшлеклесе Николай Борисович Юсуповка багышлана. Күргәзмәгә килүчеләр беренче тапкыр аның һәм сеңелләренең балачакларында ясаган рәсемнәрен күрәчәк.

Күргәзмәдә Йосыповларның соңгы өч буыны хакындагы мәгълүмат аеруча тулы һәм һәр яклап тасвирлана. Зинаида Николаевна һәм аның ире Ф.Ф. Сумароков-Эльстон, аларның уллары Николай һәм Феликс хатыны Ирина белән, кенәз Йосыповлар титулын йөртүче соңгы гаилә әгъзасы кызлары Ирина («Бэби»).

Фотографияләрдән тыш, күргәзмәдә Феликс һәм Иринаның рәсемнәре, аның мемуар очеркы һәм Феликс истәлекләренең беренче басма нөсхәсе тәкъдим ителә.

Күргәзмә ачылу тантанасының махсус кунагы – Халыкара бәйгеләр лауреаты, пианист, композитор Дмитрий Мячин. Ул «По росе Юсуповского сада» музыкаль программасын башкарачак.